-
BEYOND帝国讯：据香港消息：娱乐圈巨星殒落嘅年份尾数都系，离世10年嘅张国荣同20年嘅陈百强今年都有悼念活动，
6月30号就系Beyond灵魂人物黄家驹逝世20周年，据知制作人丘亚葵希望帮Beyond搞30周年纪念演唱会，佢承认同黄家强、黄贯中倾过都冇问题，可惜叶世荣意向不大，令纪念骚变冇影行动！咁啱家强同世荣前日都喺港岛区出现，虽然Beyond骚搞唔成，但据知家强今年会开个人演唱会，仲签咗畀任贤齐嘅大岳娱乐，前晚7点半，寰亚集团主席林建岳喺湾仔请艺人食饭，小齐、周丽淇、梁汉文同苏永康都有出席，当然唔少得新加盟嘅家强，问佢系咪约咗林建岳食饭？家强大方承认：「系，有啲嘢倾，嚟紧可能搞演唱会。」问佢知唔知世荣返咗香港？家强话：「冇见过。」
而世荣同嫩妻张伟铃返咗香港，前日5点佢哋十指紧扣喺中环行街，做过模特儿嘅老婆足足高世荣一个头，世荣戴黑框眼镜，冇乜人认到佢，之后揸平治座驾同老婆离开。
